# The Environmentally Sensitive Areas Designation (Wales) (Welsh Language Provisions) Order 1990, Paragraph 1


O ran unrhyw dir sy'n destun y cytundeb (i) ac sy'n dir garw (ii)—
(1) rhaid i'r ffermwr (iii) beidio â gosod unrhyw system draenio newydd na newid yn sylweddol unrhyw system draenio bresennol;
(2) rhaid i'r ffermwr (iii) bori â gwartheg neu ddefaid, yn o*l graddfa stocio flynyddol nad ydyw, ar gyfartaledd, yn fwy na 0.75 uned da byw (iv) yr hectar ond beth bynnag heb achosi sathru, tanbori neu orbori;
(3) rhaid i'r ffermwr (iii) losgi eithin, grug neu laswellt yn unol â rhaglen a gytunir ymlaen llaw â'r Ysgrifennydd Gwladol;
(4) rhaid i'r ffermwr (iii) beidio â thaenu unrhyw fath o wrtaith, slyri, calch, basig slag neu unrhyw sylwedd arall a gynlluniwyd i leihau asidedd y pridd;
(5) rhaid i'r ffermwr (iii) beidio â thaenu pryfleiddiaid;
(6) rhaid i'r ffermwr (iii) beidio â thaenu llysleiddiaid ac eithrio i reoli rhedyn(Pteridium aquilinum), danadl(Urtica dioica), marchysgall(Cirsium vulgare), ysgall yr âr(Cirsium arvense), dail tafol cyrliog(Rumex crispus), dail tafol llydan(Rumex obtusifolius) neu lysiau'r gingroen(Senecio jacobaea) ac yna trwy driniaeth smotyn neu sychydd chwyn yn unig ac, yn achos rhedyn(Pteridium aquilinum), trwy chwistrellu cyffredinol;
(7) rhaid i'r ffermwr (iii) reoli rhedyn(Pteridium aquilinum) yn unig trwy gyfrwng asulam neu gemegyn arall a gymeradwywyd gan yr Ysgrifennydd Gwladol neu drwy dorri neu falu.

---
Source: https://www.legislation.gov.uk/uksi/1990/1693/schedule/3/paragraph/1 (the official version)
Page: https://openlegislation.uk/environmentally-sensitive-areas-designation-wales-welsh-language-provisions-order-1990/schedule-3/paragraph-1
Contains public sector information licensed under the Open Government Licence v3.0. Source: legislation.gov.uk, The National Archives.